1800550 obox
יהדות
קריאת שמע שעל המיטה
נוסח אשכנז
הריני מוחל לכל מי שהכעיס והקניט אותי או שחטא כנגדי בין בגופי בין בממוני בין בכבודי בין בכל אשר לי בין באונס בין ברצון בין בשוגג בין במזיד בין בדבור בין במעשה. ולא יענש שום אדם בסבתי:
שמע ישראל. יהוה אלהינו. יהוה אחד:
(ואומר בלחש): ברוך שם כבוד מלכותו לעולם ועד:
ואהבת את יהוה אלהיך בכל לבבך ובכל נפשך ובכל מאדך:
והיו הדברים האלה אשר אנכי מצוך היום. על לבבך:
ושננתם לבניך ודברת בם. בשבתך בביתך ובלכתך בדרך ובשכבך ובקומך:
וקשרתם לאות על ידך. והיו לטטפת בין עיניך:
וכתבתם על מזזות ביתך ובשעריך:
ויהי נועם אדני אלהינו עלינו. ומעשה ידינו כוננה עלינו. ומעשה ידינו כוננהו:
יושב בסתר עליון. בצל שדי יתלונן:
אומר ליהוה מחסי ומצודתי. אלהי אבטח בו:
כי הוא יצילך מפח יקוש. מדבר הוות:
באברתו יסך לך ותחת כנפיו תחסה. צינה וסוחרה אמיתו:
לא תירא מפחר לילה. מחץ יעוף יומם:
מדבר באופל יהלוך. מקטב ישוד צהרים:
יפול מצדך אלף ורבבה מימינך. אליך לא יגש:
רק בעיניך תביט. ושילומת רשעים תראה:
כי אתה יהוה מחסי. עליון שמת מעונך:
לא תאונה אליך רעה. ונגע לא יקרב באהלך:
כי מלאכיו יצוה לך לשמרך בכל דרכיך:
על כפים ישאונך. פן תגוף באבן רגלך:
על שחל ופתן תדרוך. תרמוס כפיר ותנין:
כי בי חשק ואפלטהו. אשגבהו כי ידע שמי:
יקראני ואענהו. עמו אנכי בצרה. אחלצהו ואכבדהו:
אורך ימים אשביעהו ואראהו בישועתי:
אורך ימים אשביעהו ואראהו בישועתי:
יהוה מה רבו צרי. רבים קמים עלי:
רבים אומרים לנפשי אין ישועתה לו באלהים. סלה:
ואתה יהוה מגן בעדי. כבודי ומרים ראשי:
קולי אל יהוה אקרא. ויענני מהר קדשו. סלה:
אני שכבתי ואישנה. הקיצותי כי יהוה יסמכני:
לא אירא מרבבות עם. אשר סביב שתו עלי:
קומה יהוה. הושיעני אלהי. כי הכית את כל אויבי לחי. שני רשעים שיברת:
ליהוה הישועה. על עמך ברכתך סלה:
השכיבנו יהוה אלהינו לשלום. והעמידנו מלכנו לחיים ופרוש עלינו סוכת שלומך. ותקננו בעצה טובה מלפניך. והושיענו למען שמך. והגן בעדנו. והסר מעלינו אויב דבר וחרב ורעב ויגון. והסר שטן מלפנינו ומאחרינו. ובצל כנפיך תסתירנו. כי אל שומרנו ומצילנו אתה. כי אל מלך חנון ורחום אתה. ושמור צאתנו ובואנו לחיים ולשלום מעתה ועד עולם:
ברוך יהוה ביום. ברוך יהוה בלילה. ברוך יהוה בשכבנו. ברוך יהוה בקומנו:
כי בידך נפשות החיים והמתים. אשר בידו נפש כל חי ורוח כל בשר איש:
בידך אפקיד רוחי. פדיתה אותי יהוה אל אמת:
אלהינו שבשמים. יחד שמך וקיים מלכותך תמיד. ומלוך עלינו לעולם ועד:
יראו עינינו וישמח לבנו ותגל נפשנו בישועתך באמת. באמור לציון מלך אלהיך. יהוה מלך. יהוה מלך. יהוה ימלוך לעולם ועד:
כי המלכות שלך היא ולעולמי עד תמלוך בכבוד. כי אין לנו מלך אלא אתה:
המלאך הגואל אותי מכל רע יברך את הנערים. ויקרא בהם שמי ושם אבותי אברהם ויצחק. וידגו לרב בקרב הארץ:
ויאמר אם שמוע תשמע לקול יהוה אלהיך והישר בעיניו תעשה. והאזנת למצותיו ושמרת כל חוקיו. כל המחלה אשר שמתי במצרים לא אשים עליך. כי אני יהוה רופאך:
ויאמר יהוה אל השטן. יגער יהוה בך השטן. ויגער יהוה בך הבוחר בירושלים. הלוא זה אוד מצל מאש:
הנה מטתו שלשלמה. שישים גבורים סביב לה מגבורי ישראל:
כולם אחוזי חרב. מלומדי מלחמה. איש חרבו על ירכו מפחד בלילות:
יברכך יהוה וישמרך: יאר יהוה פניו אליך ויחנך: ישא יהוה פניו אליך וישם לך שלום. (חוזר שלוש פעמים):
הנה לא ינום ולא יישן שומר ישראל. (חוזר שלוש פעמים):
לישועתך קויתי יהוה. קויתי יהוה לישועתך. יהוה לישועתך קויתי. (חוזר שלוש פעמים):
בשם יהוה אלהי ישראל. מימיני מיכאל. ומשמאלי גבריאל. ומלפני אוריאל. ומאחורי רפאל. ועל ראשי שכינת אל. (חוזר שלוש פעמים):
שיר המעלות. אשרי כל ירא יהוה. ההולך בדרכיו:
יגיע כפיך כי תאכל אשריך וטוב לך:
אשתך כגפן פוריה בירכתי ביתך בניך כשתילי זיתים סביב לשלחנך:
הנה כי כן יבורך גבר ירא יהוה:
יברכך יהוה מציון. וראה בטוב ירושלים כל ימי חייך:
וראה בנים לבניך. שלום על ישראל:
רגזו ואל תחטאו. אמרו בלבבכם על משכבכם ודומו סלה. (חוזר שלוש פעמים):
ברוך אתה יהוה אלהינו מלך העולם. המפיל חבלי שנה על עיני ותנומה על עפעפי. ויהי רצון מלפניך יהוה אלהי ואלהי אבותי. שתשכיבני לשלום ותעמידני לשלום. ואל יבהלוני רעיוני וחלומות רעים והרהורים רעים. ותהי מטתי שלימה לפניך. והאר עיני פן אישן המוות. כי אתה המאיר לאישון בת עין: ברוך אתה יהוה. המאיר לעולם כולו בכבודו: